Voel jy vasgevang, oorweldig of verlore in jou omstandighede? Is jy onseker en weet jy nie waarheen jou lewe op pad is nie? Het die lewe sy sin verloor? Jy hoef dit nie alleen te dra nie.
“Ek het gekom sodat julle die lewe kan hê, en dit in oorvloed.”
— JOHANNES 10:10
Pastorale Terapeut & Leraar • Bloemfontein
Enige iemand kan baat by berading — selfs al is jy net verward of hartseer. Jy is juis nie 'n swakkeling as jy bereid is om pynvolle ervarings, emosies of herinneringe te deel en heel te word nie.
Verhoudings
Iewers het iets groot verkeerd geloop… Daar is stilswye of voortdurende konflik tussen jou en jou maat wat spanning en ongelukkigheid meebring. Elke huwelik het die potensiaal om anders en beter te word.
Individuele Terapie
Moeg gestoei of moedeloos? Sukkel jy met angs, woede, stres, depressie, geloofskrisisse of die oorgang na 'n nuwe lewensfase? Ek help jou om vry te kom van dinge wat jou terughou.
6-Sessie Program
Gaan jy trou? Die beste tyd om aan 'n huwelik te werk is vóór die troue. Ons 6-sessie voorbereidingsprogram rus julle toe met praktiese kommunikasie- en verhoudingsvaardighede.
Trauma & Genesing
Jy is nie alleen nie. Een uit elke drie vroue en een uit sewe seuns word voor 18-jarige ouderdom seksueel misbruik. Jy hoef nie vir die res van jou lewe met die nagevolge saam te leef nie — daar is genesing.
Holistiese Ondersteuning
Is jy gediagnoseer met kanker? Visualisasieterapie ondersteun jou mediese behandeling (operasie, bestraling of chemoterapie) deur 'n holistiese liggaam-en-gees benadering wat hoop en lewenskwaliteit versterk.
Dr. Gretha Heymans was jare lank 'n leraar in die NG Kerk (sy is op 20 Maart 1994 bevestig as die eerste vroue-predikant in die NG Kerk) en praktiseer as voltydse pastorale terapeut. As gevolg van dekades in die bediening beskik sy oor diepgaande ervaring in pastorale berading en terapie.
Sy het verskeie grade in Teologie asook 'n Meesters- en Doktorsgraad in Pastorale Terapie aan die Universiteit van die Vrystaat (UOVS) verwerf:
Jy kan verseker wees dat sy 'n omgewing van sekuriteit, sorg en deernis bied. 'n Terapeut gee nie net raad nie, maar begelei jou om tot self-insig te kom deur die regte vrae te vra sodat jy beheer oor jou lewe kan terugneem en jou volle potensiaal kan bereik.
Lees Meer oor My Benadering →Die verloop van sessies word aangepas by jou spesifieke behoeftes deur middel van internasionaal erkende tegnieke:
Vervang ou negatiewe ervaringe en denkbeelde met nuwe positiewe prentjies. Effektief vir trauma, kanker-ondersteuning, studiemotivering en doelwitbereiking.
Jou eie lewenstorie word met deernis ondersoek en weer direk of indirek in verband gebring met God se Groot Storie vir jou lewe.
Identifiseer die spesifieke denkprosesse wat jou emosies bepaal tydens moeilike gebeurtenisse, en leer hoe om daardie denkpatrone te vernuwe.
Deur na jou familiegeskiedenis en gesin van oorsprong te kyk, kry jy helderheid oor patrone en praktiese oefeninge tussen sessies.
Dit is nie maklik om te erken dat jy hulp nodig het nie — die feit dat jy hier lees, is reeds jou eerste dapper stap.
As jy vasgevang, oorweldig of verlore voel in jou omstandighede, of as enige groot aanpassing of traumatiese gebeurtenis jou balans versteur het. Vriende bedoel goed, maar luister selde objektief. 'n Kundige buitestander help jou om nuwe perspektief te kry sonder veroordeling. Kry eerder te vroeg hulp as te laat.
Jy stuur 'n e-pos aan gretha@shisas.com waarin jy jou probleem kortliks skets. Die eerste e-pos is gratis. Daarna geskied verdere terapeutiese terugvoer teen R200 per terugvoer sodra die fooi in die bankrekening reflekteer.
Ja, beslis. Verhoudingsprobleme is nooit net een party se skuld nie, maar as jou maat nie wil saamkom nie, is dit steeds baie waardevol om alleen te kom. Jy leer om jou eie reaksies te verstaan en kry praktiese maniere om moeilike situasies in jou huwelik anders te hanteer.
Nee. Dit vervang of minimaliseer nooit die rol van jou dokter, onkoloog of mediese behandeling nie. Dit gee egte hoop, verlaag vrees en stres (wat 'n direkte invloed op die immuunstelsel en witbloedselle het), help jou om behandeling beter te hanteer en verbeter jou lewenskwaliteit.
Om hulp te kry kan nie makliker wees nie — dit is net 'n oproep of boodskap ver. Alle navrae word streng vertroulik hanteer.
Skakel gerus vir 'n persoonlike afspraak in Bloemfontein of stuur 'n e-pos vir aanlyn berading.
Vul jou besonderhede hieronder in en kies of jy jou boodskap per E-pos of direk per WhatsApp aan Dr. Gretha wil stuur.